Revue de TEHERAN
Derniers articles
March-May 09, Vol.:1, Issue: 4
गोतिया का नया अंक पढ़ेंसंपादकीय
बदलाव कर बयार
उत्सव कर ई अइसन रूप हेके, जेकर भाव-मुद्रा चकित हों करेल। विस्मित हों। इकर में उत्साह हों जागेल आउर वितृष्णा हों। ई मन के रिझाबो करेल आउर कखनो-कखनो इकर से खीझ हों होवेल। ई फगुवा हेके। रंग कर ई महापरब के मनाएक कर परंपरा जेतना पुरना है, ओतने हें गौरवसाली आहे ऊ कहनीमन जे इकर से जुड़ल आहे। फगुवा कर मायने आइझ भले हें बदअइल जाए हे पहें नी बदइल हे ऊ सभ्यता जे ई तेवहार कर केंद्र रहे आउर रही।मार्च कर महीना अंतरराष्ट्रीय महिला दिवस कर रूप में हों जानल जाएल। घर, परिवार, समाज आउर जीवन कर हर मोड़ पहें महिलामन कर दुनिया बदअइल जाए हे इया बदलाव कर बयार में उमन खुद के बदअइल ले हैं।
ऐतिहासिक तथ्यमन से स्पष्ट होएल कि सभ्यता बिकास कर क्रम में एक दउर अइसन रहे जब समाज मातृसत्तात्मक रहे, यानी महिला परिवार आउर समाज में मुध् भूमिका निभात रहैं। उत्पादन बेवस्था में परिवर्तन कर संगे हें सामाजिक नेयाय नीतिमन हों बदअइल गेलक। दास-प्रभु समाज बेवस्था कर बाद सामंती बेवस्था कर आगमन कर संगे हें सामाजिक आउर पारिवारिक संरचना अइसन बनलक कि महिलामन के घर कर भीतरे हें बंद होएक पड़लक। महिलामन कर वर्तमान स्थिति ले जिमवार पुरूस नइ बल्कि असमानता आउर सोसन पहें आधरित ई सामाजिक बेवस्था हेके।
झारखंडी महिलामन आइझ आपन दम-खम पहें देस आउर बिदेस में सफलता कर झंड़ा फहरात हैं। ई अंक में अइसनेहें संघर्षशील आउर जुझारू महिला साहितकार मन कर बारे में जानकारी देवल जात हे। खास कइर के जेमन नागपुरी भासा आउर साहित के अगुवाएक ले काम करत हैं।
नवाँ बछर आउर फगुवा कर ढेइर-ढेइर सुभकामना!
बीरेन्द्र कुमार महतो
संपादक आउर प्रकासक- गोतिया कर सलाना गहकी बनेक ले मेल करू
